捨不得

正在耶穌出來行路時，跑來了一個人，跪在他面前，問他說：「善師，為承受永生，我該做什麼﹖」

耶穌對他說：「你為什麼稱我善﹖除了天主一個外，沒有誰是善的。誡命你都知道：不可殺人，不可奸淫，不可偷盜，不可做假見證，不可欺詐，應孝敬你的父母。」

他回答耶穌說：「師傅！這一切我從小就都遵守了。」

耶穌定睛看他，就喜愛他，對他說：「你還缺少一樣：你去，變賣你所有的一切，施捨給窮人，你必有寶藏在天上；然後來，背著十字架，跟隨我!」

因了這話，那人就面帶愁容，憂鬱地走了，因為他有許多產業。

耶穌周圍一看，就對自己的門徒說：「那些有錢財的人，進天主的國是多麼難啊!」

門徒就都驚奇他這句話。耶穌又對他們說：「孩子們! 仗恃錢財的人，進天主的國是多麼難啊!
駱駝穿過針孔，比富有的人進天主的國還容易。」

他們就更加驚奇，彼此說：「這樣，誰還能得救﹖」

耶穌注視他們說：「在人不可能，在天主卻不然，因為在天主，一切都是可能的。」

(谷 10:17-27)

–

很有趣。從來不敢說自己是個稱職的教徒 (和虔誠二字更是遠得很)，但很容易會在生活中想起部份聖經章節，縱使想起的原因和感興與宗教未必有關連。(but then, 宗教信仰其實不過是一種生活方式…是活出黎的。好似老佛爺咁，唔係下下擺係口邊講講講, 講到衰曬既..) 相信自小跟父母返教堂加讀天主教學校，點都有d潛移默化…

其實好多野都係咁, 當你擁有左好多既野, 你就開始留戀, 唔想去放手。唔一定要係財產，可以係你重視既人和事。 who moved my cheese都係講緊d咁既野 – 你唔敢去改變，唔敢去過一種唔同既生活。當你寫左好多code,但係搵唔到個bug,你會繼續糾纏多於當下就砍掉重練; 當你有份穩定既工你就唔敢去作其他嘗試…當然，依d好睇個人既性格。天生係瀟既，話撇就撇，怎似我等優柔寡斷之徒?

縛住一個人，可以一條繩也不用。 萬千的心結已可把一個人縛得有如地縛靈。既是自縛, 可解的也只有自己。

—

有時其實想砍掉重練。

砍不落手而已矣。

人面對資訊不充裕的情況下

就是喜歡把自己認知的一套投射落去作補完

向什麼方向去想，就會看得出一個人的性格如何，或至少會知道其思想是如何

所以，除可量化之事實外，世界並無客觀。

以上幾句，如果你覺得條曲線是係指”為左客觀，應該將一切量化”，那就是犯邏輯謬誤了，或是更重要的，你只是以為明白我的意思是什麼。

子非魚，安知魚之樂？
(唔好駁下句，今次我堅係果條魚。)

and yes。我一向唔客觀，我係好主觀咁覺得你唔明。

唔好睇到碗叉燒飯就以為真係個飯就係重點

寫了又刪，刪了又寫。因為不想再長篇大論的細說往事，遲遲寫不出滿意的一段。

想了想，自己的私事也沒什麼值得讓外人知的。想知的話，把我隊醉了再說。先旨聲明，我可是至今只有一次在宿飲時比較接近醉，但那次我仍有思考能力…..倒是我想說也已經再沒聽眾，哈哈。唯一一次有說的…我已經忘了是甚麼日子，好像是上年precamp的aftermath階段..我記得當時只有rocky, dalu和呀甘在。..到最後因為不服氣為什麼又是我無份醉的，就在自己房發一下癲…其實也是扮醉，乘機發洩一下而已。所謂酒不醉人人自醉，人想醉的話會很快倒下，人想保持清醒的話也就沒那麼易醉的了。其實很想說正營食宵飲過，不過一想起要留血拖d醉貓走，第二日又要入camp，睇黎都係無得醉喇。兄弟有機會另外約過日。

cut the crap，只說重點好了。year 2 大事有幾單。

1) 放棄左長笛。其實好不捨得…不過時間實在太唔夠用，自己又懶，每個星期都無乜點練就去上堂，好似浪費時間金錢咁。最後忍痛放棄左…我覺得終有一天我會再拎返起，好似中六果年我拎返起一樣。我份人無野好，係對好多事都念舊….難聽d講, 叫做婆媽同埋優柔寡斷。

2) 住宿。上孖莊, happy run, 運動會etc 加埋住將軍澳終於令到我有得後補入宿，新亞真係好人。無錢起新宿舍，又無錢翻新下志文，唯有將d錢用黎重鋪下合一亭同埋掘爛個圓廣啦。 開心之處係同rocky茶葉做左一年同房。難忘的回憶…都係因為有宿先會成日係lab fing到成點鐘先一齊返知行….煮面同打高達。

3) 因為有宿, involve多左書院既活動。有得去睇新亞夜、大笪地etc…不過1L係潛水層, 果年係宿無朋友。唯一係sem尾入左大組之後叫做有d人識。好記得當時quit宿之一晚係架lift遇到甘同kristy，但係果時又唔識佢地woh。佢地仲係架lift度開罐可樂飲…番到房msn問terry9做乜quit宿前都仲有人屈蛇, 屈到可以自由咁行黎行去 XD

4) 上左學生會。我都唔知點解會真係咁做，可能我自己未玩夠。不過講真，果時真係睇在果個人係mike，同埋艾活又一齊上。我無後悔做左依個決定。  不過有樣野，講真，係我覺得可惜既。好老實好老實講，我覺得其實我地莊真係向心力弱。熟d既，係得mike, 子通同艾活 – 成日都係會室hea, 吹下水, 食下tea打下機….同埋yr3果時加埋mark哥同肥豪。除子通外皆是07 oc莊friend底也。可能因為懶搞莊聚…不過其實各人心不在此既時候再多聚也沒法改變。

做學生會，其實令我學左好多野…唔係知識上，亦都唔係學搞活動，而係個人成長…時間分配、計劃、思考分式等等…最可惜既可能係到最後個人頹左，第二期刊到最後都無出現過…依個失敗, 我又學到野。

5) 大o。今次唔再係oc, 終於做左組爸。對我黎講其實係一份挑戰，而經過今次大o之後我個人就比以往外向左，somehow係一件好事。識多左人，明白左世界有好多人始終係過客，就算你想熟d，人地未必會咁諗，然後我們就成為了彼此的過客。另外又明白左原來真係會有d人你係會夾唔黎，就算你點控制自己，你就係會唔鐘意佢。仲有就係，再一次問左自己一堆問題，然後接受左自己既結論。

6) 暑期工。好老實講，係學到野，又見識到返工係點，不過可能因為果時暑sem + ocamp + 返工累到嘔血，其實個experience都幾unpleasant…同d同事太唔夾，完全唔係路。同埋，我真係接受唔到係搵唔到個bug既時候低聲宣洩一下都要比人投訴。痴線。成班友讀書讀壞腦。

thats all for today. 好眼訓…訓先。

(這只是我的故事。長篇得很，沒興趣的請自行直線飛過)

一切來得一點也不突然，卻是一直都未能整理好思絮。正值不想工作之時，心想這也許是了此心結的絕佳時機。

大學的三年，過得很快。不捨的是這一年才真正的開始跟大學的朋友熟絡起來，卻已到分散之時。這時候還真恨不得大學可以讀4年…不，天下無不散之筵席。縱使可以留下，朋友已去，剩我一人又有何意思? 還不如踏上征途，一起在社會中去找自己的方向，到再聚首之時也有不同的經歷一起分享。樂觀一點看，如果再在大學多留一年，恐怕我的成績會繼續向下插呢 haha 這最後一年還真的是玩多了。

三年，有開心的，有不快的。有已忘記的，也有難忘的。差不多三年前的八月，踏進了中大校園，穿上了一件粉紅色的CAMP TEE，認識了第一批我接觸到的新亞人。三年之後，大家還能聚在一起吃個飯，談談天…縱使相處的時間不長，但能結識到你們，而且沒有在三年以後就了無關係，我已經感到十分的幸福。問心，其實假若餘下的一人也樂意再與我們見面的話，我也會有興趣知道她現在怎樣呢。

第一年可算是潛水年。那時候書院不給我宿舍，我心諗大佬我都已經係住將軍澳…咁都無宿會唔會過份左d? 最抵死係只要我入到新亞以外既任何書院我都可以住到宿…我心灰矣，於是我果年就同書院絕緣…無錯我係連NA都無踏足果種絕緣，除左有一次組聚係去左志文。新亞夜新唱? 我無睇過…點解? 因為我無宿, 要返屋企食飯。同朋友食唔得咩? 得…有朋友既話。果時識既係得系d人同大o mate…咁果時大o mate又唔係太多交流，我個人又比較摺…結果當年上左系莊，入左中大精武，就係咁多。

系莊。講真我真係諗過照計一齊上莊係一定會玩得熟…點知又沉半支，不由得講一句咩料…不過都係以前既事，而家一早睇開曬，可惜一開始就道不同…最記得係咨詢果晚先第一次有諗過個系既發展依D沉重野…同埋夜媽媽紮波波橋、送糖水…都係有趣既回憶呢。系既同學，主要都係係122同soc房fing既日子慢慢熟絡的。記得果時成班人上完堂去soc房打機，真係有種返左中學既感覺。到我地無soc房之後，就出返122..慢慢就同成日係122既y05交流多左，好記得係lab勁多人dota，一齊集體頂通，342 349果時考完試仲係通到飛天，隊長果一堆1L葡萄適等等..

中大精武。果時因為組爸所以join左，因為唔係佢既話我都唔知有依個學會…覺得好幸運可以跟到師父學野。我估如果我去左第二d學會，可能會得到個中國拳原來無鬼用既impression就返返去學合氣。而家眼界開左，對中國傳統武術認識深左，有d後悔做乜果時又懶又hea，3年黎都學得唔好…最後果年仲成日na有野做呀…fyp呀..等等堂都上唔到…而家努力慢慢練，希望學得好d啦。

第一年的暑假，是OCAMP。作為系莊莊員，義不容辭的投入engine細O做OC。對我來說，最大的轉捩點是加入了大O OC吧。那一年，我記得在年尾時我們千斤頂在UC staff can組聚飲茶，應該都是assembly之後的事吧。當時組爸媽有問玩不玩ocamp…CK和呀豆說了會跟呀包。別的大組長是誰我當時根本不知道 – 我只是一個從書院裡消失的人。雖然我可說是認識呀包，但當時也僅是知道他是誰的程度，對他的印象也只有中二三時的回憶…只重要的是，初中的我根本沒怎麼invovle在童軍(每次這樣想就是覺後悔…anyway向前看。)，跟上3屆下3屆的人一點也不熟。要我就這樣拉關係，有點不好意思。當時也自問不是什麼玩得癲之人 (ok，我承認這兩年是有所改變，那是後話。)，倒是在惜別會派的handouts中看見OC只有6人的消息。思前想後，也跟文深談過 (對，在NA時我兩次重大決定都是跟文深談過才決定的。還真的要多謝他呢…)，結果在考試後加入了OC。那是我第一次見mark哥，也是第一次走進NASU。世界很細，mark哥和肥豪其實是和我上同一個softball…不過不同隊就是了。和我同隊的其實是有黃楓，haha。果時上堂其實好記得肥豪 – 我無認識佢，不過佢每一堂都係更衣室好嘈。成日係度講頹基，我連邊個係頹基我都唔知。 XD

也許是在SU中訓的N個晚上令我有點懷念，其實是整個ocamp都令我有很多不同的回憶。半夜三更落大雨仲係百萬大道搵水喉位；11點幾推水池水喉set水戰場；半晚三更同speed係CC李惠珍托大旗d竹上NA；夜半係志文小花園練紮大旗；無數個係紫霞大廳開夜會開到3-4點，睇住呀包係咁拍枱嘈mark哥，真係食左無數花生；果個完美lai野既precamp napoly (其實如果諗返果時真係要同michelle講聲對唔住，果時我唔識mon進度，結果仲臨埋尾改曬d野，最後搞到佢prep正camp果時做到嘔血…)…太多不能盡錄。總之，係好難忘既經驗，係lai野lai得好甘既一次…時至今日我都未真正學得識曬我應該從中學到既野，只敢說係有d進步. lai左既野無白lai。

果一個夏天第一次識raymond、黃虫。仲有zoe..呀雪..四叔..呀妖..zita…heidi..(下刪一堆, 其實我真係數得返曬果時係124有出現過既人…), 一切皆緣。無機會熟絡，只有嘆可惜。

細o。由於當時仲係較內向既緣故，自己一個人揹起左出設。係幫節目部手既過程識左heinz同嘉欣，同埋gerund。哈哈。仲記得果時同gerund兩個, 一個係床下底擺鬼, 一個攤係床扮屍…係一間冷氣黑房攤係度唔比郁唔比訓著真係超級大折磨…

返去大o。除左有幸識到其他oc之外，不能不提mike。依個人係上莊p，但係我無見過d人明明返緊internship accountant，放左工半夜3更(OC會通常係夜晚12點開咁..最早果次10點) 都仲要搭的士返黎sit會，之後搭返的返天水圍…咁既人真係輕鬆點佢相。

完左ocamp，回歸平靜。頂佢個肺地我year 2竟然仲係無宿，直到10月先後補到。佢竟然話oc果3分計下年，真係多謝你。將軍澳孖莊都仲要後補。我個frd住旺角單系莊竟然first round有。新亞好野。又在此一提，appeal既話只會上左宿委會，所有你以為有得bargain既reason會被無視 – 只有d咩家庭暴力同屋企有鬼會有用，仲話要證明woh。好波。我咪同自己講，玩左一年la，夠喇，讀書啦，計honour架la。shawlane，去左探人賣d油到o咀既炸面包…之後撞到mike。佢問：做咩唔搞新唱。 我答：ocamp仲做唔夠咩，算la。
而家又諗返，原來又係d值得後悔既決定。sosad。不過可能好事黎既，因為要儲定d gpa黎燒…

http://mytv.tvb.com/news/sundayreport/18662

本來係睇ivan post出黎講香港y世代果集
咁0岩見到有集係搵工日記，click左黎睇。

有時諗自己又唔係叻，雖然叫做讀過下大學，但係其實又唔係話真係可以咁坐定粒六，覺得自己一定有工開…尤其係而家都仲係未有起色。

以前會覺得，呀 話曬都叫工程師，expect個萬二三咁都唔係太離譜je
而家睇多d，咦好似8千蚊d工都唔係好夠班做
老老實實，你識d乜?
話就話政府做司機都有萬一蚊，但係前景le…?
睇住d人四十幾歲無左份工，唉 真係lai野架woh
過多廿年可能對學歷果d要求更高
努力d讀書係la….

y世代話做人要追求夢想
我都覺，不過我覺得做人都係要practical…起碼有飯開先
我捱得je，無理由要我d家人捱丫。
可以話我無上進心….不過我都係覺得要腳踏實地先，唔可以一步登天
所以我先成日都話我發達既機會率都好低…同埋一定係一個乏味悶人…

過左咁耐，惜別同四川既野都仲未得閒打，sosad。
一直唔係搞fyp就係溫書…
fyp叫做搞掂左，交左report present埋。早dead都係一件好事，可以專心咁溫下其他course，叫做解左個心結。

自己衰，midterm之後就不停咁走堂，而家臨考試先黎學返d野先知真係好多野唔識…我即刻諗起破壞之王果d 3日練成收費600。

547，computer network and security。心底裡一直都好想讀，係由year 1開始已經話我一定要讀依個course。原因好簡單….我一直都覺得computer security係一樣好神秘、好有趣，同埋現代社會唔可以唔識既野。新聞成日話黑客點點點，電腦病毒廣泛傳染云云，講真有幾多個真係明白係發生咩事? 了解過先會明白人地勁於何處，同埋個問題係邊 – 通常都係d user既問題，同埋d半桶水programmer寫insecure既code做成既後果 (咁我認同要分邊d係勁邊d係廢既programmer係有d難度….尤其係d HR友好多時根本唔識電腦haha 外行管內行。) 學d expert話齋，好多時human factor先係個weakest link =S

記得係中三四左右睇左d書，覺得d黑客好神…點解會無la la控制到人地d電腦既? 當時企圖睇書，完全唔明，灰左。做script kiddies，dl過人地d program黎玩….仲記得果時有d icq bomb…icmp之流，而家諗返可能只不過係craft d packet射人咁大把，no big deal。所以d script kiddie如果以為自己勁就真係白痴到無朋友….以前睇書以為buffer overflow好勁，而家先知依個係基本到無得再基本既基本功…

好啦，叫做讀完個course，咁其實又真係見多左野既，不過真係冰山一角。都0岩既，大學三年，其實只係幫你打個底去比你做lifelong learning je，學海無涯，學得幾多呢。

到左 sem尾，諗返真係覺得自己不學無術….讀屎片也。如果你問我d時間去左邊，我真係唔識答你…FYP掛，有時係hea過….回想依3年學左d乜，更加覺得自己廢…circuit d野唔記得曬咁滯(遲d要溫返書先得la…) d數又弱，programming又唔勁，唔多識algol…digital design果d又得返依稀既記憶….

3年真係好短。有好多野真係想學，想做….而家已經無時間喇。仲有時間既人記得要珍惜呀..

此為隨心之作，我手打我口而已…遲d得閒d會砍掉重練。

曾猶豫過無數次…究竟自己適唔適合做一個programmer

一直以來都好似ok, 都叫搞得掂…

今次真係搞唔掂……

我真係諗唔掂平衡運算………..

好痛苦

看似明白

結果都係比concurrency既問題打沉

我真係唔明…點解明明d位置係割好曬 計0岩曬

佢就係出一個錯既答案比我

點解block內可以輕鬆sync0岩曬

多過一個block就永世都sync唔到

我唔明

我真係唔明

依一年, 究竟係我唔識點樣去問人點做

定係真係無人比我問

做左成年…
寫少少野都寫唔到…
廢柴……

幾乎全日都係Restaurant City + FYP….做到悶就出去trade下材料或者係facebook fing下咁
fing完又fyp

終於!! 有少少野睇

唔知係唔係虛火

希望係真的

咁我都叫有少少結果面對下老細

但其實implement依part都未叫埋到尾…..

而且仲有9日要寫好埋report

星期5書通dead 2000字, 料都未睇

yo 加油加油!

–

What I’ve Done

In this farewell
There’s no blood
There’s no alibi
‘Cause I’ve drawn regret
From the truth
Of a thousand lies

So let mercy come
And wash away…

What I’ve done
I’ll face myself
To cross out what I’ve become
Erase myself
And let go of what I’ve done

Put to rest
What you thought of me
While I clean this slate
With the hands
Of uncertainty

So let mercy come
And wash away…

What I’ve done
I’ll face myself
To cross out what I’ve become
Erase myself
And let go of what I’ve done

For What I’ve done

I’ll start again
And whatever pain may come
Today this ends
I’m forgiving what I’ve done

I’ll face myself
To cross out what I’ve become
Erase myself
And let go of what I’ve done
What I’ve done

Forgiving what I’ve done