其實依d野我應該等product出左黎我先講，不過…
很多謝我既莊員肯比一個咁既機會我去做我想做既野。今日上左一課淺談武術，諗返起兩年幾前第一次見到師父：果日係O day..講左既大約係今日聽返既野既subset。兩年過去左，再聽返又有一番新既體會，反思返自己依兩年學到既野，同埋學既過程…
我諗返之前呀雞係pre諮既時候講過，一份新亞學生會既政綱應該係從佢既看法、處事方針等等睇得出新亞既色彩；正如一個教徒既日常處世應該顯現教徒既價值觀。同樣地，係中國既傳統武術之中，係可以睇到中國人既思想。例如從打法中看得出順其自然、不強求執著；例如從練習既過程中睇到對自我既追求，應有既道德修為，求達成雙方最少既傷害而非你死我亡，君子的氣度及仁心；例如從套路和對拆中看到前人既智慧…..雖然在此同時，看歷史中既傳承和現今社會對武術的扭曲可看出中國人思想的短處…
所以說中國武術博大精深，不無道理。
正因如此，我更想將此信息帶比更多既中國人。因為我明白左中國既武術，不但唔比其他世界各國既武術遜色，反是(我覺得)更完整、更多變化。我不會貶低其他武術，因為各有特色、各有長短；不過很多人對自己國家的武術沒有認識之餘，反是說中國武術睇得唔打得而去追捧其他武術，我會覺得好可惜、好痛心…點解係無認識既情況下就抬高人地、貶低自己呢?
可能得我最close既朋友同埋父母先會知，我曾經好淺認識咁體會過幾種唔同既武術；小學學左六年兒童跆拳道，好正路地唔知自己做乜，學完依然係一條廢柴。見到人地打跆拳，會覺得d踢腿同彈跳力好勁，不過可能睇得漫畫多，硬係覺得打起上黎唔好睇，尤其係睇奧運果時…兩條友彈下彈下靠凶咁，突然一腳中頭就KO左，有d唔知點咁。(當然，跆拳打得勁果d真係會好勁，起碼我唔會想比果d人踢中…)
中五，睇得漫畫多，同個中同一齊去學左12堂柔道。果時試過同d黑帶人練，比佢撻到飛起，會覺得好神奇…有d招會好似好夾硬黎(果時有d人真係好似靠力屈機咁，心裡覺得柔道照計唔係咁打架woh，漫畫講果d係好清脆好瀟的…)，不過依過就係功力問題…黑帶d友真係輕鬆撻到人，好瀟果種。不過後來自己懶，中六又好似好忙咁，就無學到落去。其實而家諗返以前學過果d招，明好多，哈哈，因為明白左一般武術既發力方式應該係點….d招應該點打…不過當然，實際用唔用到係要練先得，得theory係無用。不過果時我係完全唔明，覺得自己似乎係唔夠力去打果d招…(尤其係打地上法(寢技)果d) =S
話說中六果時受陳子煒影響，對劍道、居合道(&日本劍術)同埋合氣道依三樣野既認識多左，做左少少資料搜集，同埋後來真係去學左兩個月合氣道。今次覺得仲神奇，因為d招真係太瀟洒，行幾個圈咁個對手就仆左落地比人制住左…同埋合氣道強調和平，基本上唔攻擊，不過用黎防身就好屈機，同埋加入左好濃厚既禪宗色彩。最印象深刻既係d扭/鎖關節，尤其係小手返…應該會痛到飛起。 (有興趣知d技法係咩樣既可以自己上youtube search “aikido”) 不過後來踢波扭到腳無練一排，跟住入左中大，遇上左中國武術，就無再學落去。
學師父一句，識到師父，真係緣份一場。以前無論係問人、係ocamp睇表演等等，我都只係知/見到新亞國術會，加上自己係新亞人，其實如果入左新亞國術，係一d都唔奇既。不過咁0岩我組爸昕師傅係中大精武既，同佢吹過下水，就係咁，我就學左兩年幾喇。
我自己本來對中國武術既認識同一般人無異：剩係識少林、太極同詠春，其他既就係武俠小說果d。知道d人會要紮馬，但係會覺得唔知做乜要咁。聽過四兩撥千斤，但係就唔明點解會得。知道d人會打一套套拳，但係唔知道背後蘊含住咁多智慧。果時year1十月既一個o day，雖然我未搵到曬所有答案，不過開左眼界，O左嘴。第一次睇到中國武術用起上來個樣應該係點，同電視電影既差別有幾大，同埋第一次知道原來中國功夫係咁深奧，係精密既計算，一招一式都係既虛且實，千變萬化。各家各派，一套拳有齊踢打摔拿，拳掌肩肘明暗腳咩都出齊；又有各式長短兵器，各有唔同技巧，練既時候卻又可以幫助你領悟空手果時既技術；小小既細節，唔同既馬步原來又已經蘊含住玄機，一招用唔用到原來可以真係差好少野….
果份智慧係最令我覺得有趣，係我認為中國武術最有魅力既地方。技擊，就係講技術。認識多左，你就會知道點解大隻佬其實無咩好怕、點解太極原來真係好好打，點解八卦掌行黎行去跳舞咁但係咁厲害，點解中國武術唔係好似人地咁係咁練出拳批肘踢沙包而係耍d好似無咩意思既套路，電影同電視果d打得有幾唔合理，同埋點解新派武術係一樣咁令人搖頭嘆息既野……
(個人意見，不喜勿怒，歡迎討論。)
Recent Comments