剛去完紫霞的交職，有喜，也有刹那間的愁。

喜，有很多。看到魔術銀的表演；看到winson係新莊玩得高興，同其他宿關係又好；更重要的，是彷彿看見了曙光：其實，新亞都唔係真係頹啫。

返左宿，到2L沖涼，聽到了別人的對話，也表達了我自己的感受。『哇，紫霞果邊成棟宿都撐新莊，每一層都搵d野黎表示支持woh!』『突然覺得自己係知行好孤單添』…紫霞的交職，可從細節中看出他們的用心，更能感受到有一份凝聚力。即使不是所有的宿生都會出現，也許每層都只是幾個核心人物的帶動，但是已經令人感受到在紫霞生活，是可以過得精彩。那一刻，我有點羡慕，有暗暗的在想自己當初選紫霞是否會有更有趣的生活。當然，我知道事情已經過去，也不能老是被What if縛在過去之中。深呼吸一下，life goes on。

愁，在於自己的大學人生就快完結。一直在向前望，望幾時grad，幾時搵工…到了現在，有點捨不得大學的生活…有想過要不要繼續讀，試圖把這一切都留住；但當朋友都離開之時，獨留故地，又有何意義呢…

另外，也是要寄望自己下莊將來與四宿有更好的溝通和關係。我相信終有一天四宿、學生會同走讀係可以好friend底咁形成一個團結融洽既新亞。引艾活一句，我地已經係夕陽了…有很多東西，我們完成不了，自然希望把自己的這一支棒交到下莊手中，亦想將自己已知的鋪成道路，送下莊去更遠的地方去。

有些遺憾，由天所定。第一年無宿住，一直都是心中的一條小刺。那是我與書院絕緣的一年。哈，回想過來，那根本是跟自己賭氣嘛。三年了，對新亞是有了一點點的歸屬感。也許與我上年諮詢是答的答案一樣：不是因為書院有什麼好處給我，只是因為我是一個新亞人，也在這裡遇到了其他新亞人。

最後，恭喜紫此一家，並祝來年順利，玩得開心，同埋唔好過左暑假就頹曬 =p

唔計d死左既暑sem,今個sem既gpa係歷來最低… =(

算, 求學不是求分數….求都唔會加左分…

點解九半堂可以五點幾都未訓既?

今日應友人邀請跟離島十三旅去左南山營地無具烹飪。

d細路好精伶活潑 haha，d技能仲學得唔錯。

執柴執葉起火，有一組一支火柴就搞掂左。wow。

石頭煎豬扒同蛋，煮得靚靚。

荷葉焗雞。classic既橙蛋洋蔥蛋。

so much fun in scouting =]

我地都要加把勁將十七經營得好好的!

首先要搞返掂自己d scoutcraft…

第一次做組爸，之前好擔心我平時不擅交際, 少講野, 會唔會勝任唔黎..
結果去到一個好大組，遇到好既組老婆組兄弟，有班好既組仔女，真係幾生修來既福氣啦。

YEAR3，之前以為咁少course會好他調，點知中左招，仲忙過year 2，吹漲。
凶手之一當然係FYP。做左成個sem都無乜睇頭，係去左一次天文台lo…下個sem祝我好運la。

今個sem最值得提既係take左素描同書法，而又真係學到d野! 好開心 =]
雖然因為素描而令到我成個sem無得返精武。

11月出版左期刊，令我諗起以前campfire果時做本booklet。無乜聽過莊員以外既人既feedback xp 不過都已成過去喇。

今年開始facebook既使用率高左，最主要都係睇返d相，係wall吹下水同埋event真係幾方便~ 不過寫野我都係鐘意xanga…情意結掛。或者可能係慣左..

出席左兩次婚宴，一次係組爸，一次係契大佬。我對自己既未來依然充滿著憧憬。

今年，算係過得ok，雖然好多位都唔達標，不過真係有好多好開心既回憶。

2009，畢業了，當然係要搵工，開始踏入社會，去見更多、識更多。
在那之前，要做好FYP。
在那之前，就讓我好好咁享受埋最後既校園歲月吧。

個人既興趣，終於買定離手 – scouting同埋武術。
最後揀左兩樣，唔算太貪心je? 希望兼顧得到。

雖然endup可能係為左依d自己既生活放棄左搵返個女朋友既機會…
人生總是忙，還是真的緣份未到呢?

昨天已逝
明天是謎
面對今天
盡力而為

今日聽一位社工人講的，同意。

由上年寫下既開始:

抽象方面

– 嘗試變得更可靠…慎言。
– 提升辦事能力 減低procrastination的情況 -> 要變得更為大膽?
– 嘗試更準確的推斷自己的能力

具體方面
– 增加收入
– 增加知識，盡量唔再頹讀
– 盡量早d訓 (難度很高的說)
– 抽多一點時間練習，鍛鍊體魄

optional?
– 開始木章訓練…有時間的話
– 找個伴…有機會的話

ok。 完全失敗。
收入係得暑假打左陣工，無了。
早訓係無既，仲通多左頂。
練習係無既，身體仲差左。
唯一有progrss既係木章…決定左報3月8 GI。
失望既係搞咁耐都仲未出到warrant。
—

2008年我做左d乜??
year 2 sem 2。 一個好忙既sem，sem通頂潮真係好難忘。同d CEG frds一齊係lab搏殺其實係幾好既回憶~
3490，雖然我學左d野之後已經無乜用，我無後悔過take。開眼界既CEG核心course。
3420，一個我覺得應該可以讀得好d既course
3480，妖，真係後悔take d咁既野。不過，成班人係lab奮鬥都係好好既回憶
4430，好野黎。不過訓覺既次數比再上sem315多左….
5010，唔知點解果時咁勇挑戰5字頭。都係開眼界course~
2860，典型吹水course，唔知學左d乜。最記得6個sigma…

有樣野我有d後悔既係無join新唱 / 新亞夜，我諗我miss左唔少。不過life goes on，只有同自己講，下次再有機會唔好放過。

08年既3月，上左新亞學生會。始料不及既一個決定，如果唔係當日為左貼精武既poster走左上NASU遇到mike，如果唔係上年暑假做左大OOC，絕對唔會有今日。有得同你地一齊組莊，我感到好榮幸，好開心可以同你地合作。記得mike同子通漏夜走黎1L02同我傾….記得果時試機心態走到了城大canteen…記得成班人一齊著莊tee係寒冷既天氣下影相同拍左果段向世界出發…..好多好多回憶，而家仲有兩個月就落莊lu….要好好做埋佢!

sem初同mae果邊joint force去robocon，跟住因為3480變左我地自己組隊，最後6月去科學園打比賽…自問robocon果時貢獻好少，好多謝你地既包容!

year2 sem2 同茶葉, rocky part房，好開心可以成間房frd底咁打下機，煮下面，有時一齊係lab蒲到3-4點先返去……可惜今年再無機會 =(

暑sem，take左個6 credit德文。本來真係有興趣，不過自己搵自己笨，朝早9半上3個鐘德文，趕住食個飯去科學園返summer intern返到6點幾，之後返中大搞SU d野/大O d 野….命都短幾年，千祈唔好再搵d咁既野搞。 食左個6 credit C-，CGPA跌左唔少。

承上，因為professor既緣故有得去科學園返左2個幾月summer intern。大部份時間都係返半日，係德文完左之後返過一排full time，可惜加埋大o同su真係頂唔順，成日返工hup眼訓比人鬧到7彩，我自己都唔好意思….同埋好唔慣，d人唔多0岩我個style….不過，真係學到唔少野同見識多左。

大O。今年玩大O係我覺得最正確既決定之一。

好眼訓，to be continued.

今日係真正既non productive….

應該係瀕病邊緣，係咁訓都係好易覺眼訓

一起身已經係十一點，食個飯睇陣電視又見眼訓

而家再起身，已經六點 @@

唔得，我要賦予返多一d意義比今日…

嘩 打打下firefox炒左…唔通連個天都唔想我咁寫

又要重打一次
–

我發覺

我個人都真係幾悶，哈哈

抵我孤伶伶一個人

今日係好legion既一日…好耐無試過。

朝早去玫瑰堂mass，搞錯左時間，遲大到 =(

同edmund & 貞姐食lunch + 閒談

席間都無乜出聲…d野我都唔知咩黎 xp

不過其實我坐係度聽已經好開心

同時draw左上面個conclusion : 我份人，都真係幾悶 哈哈

夜晚同qoc d小朋友打邊爐

真係…以前d細路而家都咁大la….頓覺自己好老 =S

諗返，其實讀左大學諗野有少少中學果時既影子，不過都幾唔同…可能因為見多左唔同既樣，更覺自己既渺小….

有時會好想devote多d去幫手，多d認識依d人…..可惜心底裡明白自己兼顧唔到咁多野…忍痛都要放手….

錯已犯太多，做人要改過。